बैतडी-असार २८/ सोमबार बैतडीमा २७ जना कोरोना जितेर निको भएका छन् । २६ जना बैतडीका र १ जना मुगु जिल्लाका गरि २७ जना कोरोना जितेर निको भएका हुन् । स्वास्थ्य कार्यालय बैतडीका अनुसार पाटन नगरपालिकाका ९ जना, दशरथचन्द नगपालिकाका ४ जना, सुर्नया गाउँपालिका, डीलाशैनी गाउँपालिकाका र दोगडाकेदार गाउँपालिकाका ३/३ जना सोमबार कोरोना जितेर निको भएका हुन् । यस्तै पुर्चौडी नगरपालिका १ जना र मुगु जिल्लाका १ जनाले कोरोना जितेका छन् । सोमबार २७ जना कोरोना संक्रमण मुक्त भए संगै जिल्लामा कोरोनाका सक्रिय संक्रमित अब ९३ जना रहेका छन् । सक्रिय कोरोना संक्रमित मध्ये ८२ जना बैतडीका छन् भने ११ जना अन्य जिल्लाका रहेका हुन् । सोमबार कोरोना संक्रमण पुष्टि हुने सङख्या शून्य रहेको छ । पछिल्लो २४ घण्टामा ३ सय ६४ जनाको कोरोना परीक्षण भएकोमा सबैको रिपोर्ट नेगेटिभ आएको स्वास्थ्य कार्यालय बैतडीका सिआइसिटि अफिसर बिनिता चौधरीले जनाकारी दिनुभयो ।
