बैतडी असार २५। बैतडीका ८ जना कोरोना संक्रमणमुक्त भएका छन् । शुक्रबार जिल्लाको पाटन नगरपालिकाका ८ जना कोरोना जितेर संक्रमणमुक्त भएका हुन् ।
यस्तै थप ४ जनामा कोरोना संक्रमण पुष्टि भएको छ ।शुक्रबार कोरोना संक्रमण पुष्टि हुनेमा सुर्नया गाउँपालिकाका ३ जना र पाटन नगरपालिकाका १ जना रहेका छन् । शुक्रबार ८ जनाले कोरोना जिते संगै जिल्लामा कोरोनाका सक्रिय संक्रमितको सङख्या अब १ सय १८ रहेको छ ।
सक्रिय संक्रमित मध्ये सबै भन्दा बढी दोगडाकेदार गाउँपालिकाका ४० जना रहेका छन् । यस्तै पाटन नगरपालिकामा १५, दशरथचन्द नगरपालिकामा १४, सुर्नया गाउँपालिकामा १२, डीलाशैनी गाउँपालिकामा ११, मेलौली नगरपालिकामा ७ जना कोरोनाका सक्रिय संक्रमित रहेका छन् ।
यस्तै शिवनाथ गाउँपालिका र पुर्चौडी नगरपालिकाका ३÷३ जना, सिगास गाउँपालिकामा २ जना र पञ्चेश्वर गाउँपालिकामा १ जना रहेका छन् । बैतडीमा अन्य जिल्लाका १० जना कोरोनाका सक्रिय संक्रमित रहेका स्वास्थ्य कार्यालय बैतडीले जनाएको छ ।
