बैतडी असार २२ । बैतडीमा ४ जना कोरोना संक्रमण मुक्त भएका छन् । मंगलबार जिल्लामा ४ जनाले कोरोना जितेर संक्रमण मुक्त भएका हुन्। ३ जना दरशथचन्द नगरपालिकाका र एक जना बझाँङका गरि ४ जना संक्रमणमुक्त भएका स्वास्थ्य कार्यालय बैतडीले जनाएको छ ।
यस्तै थप ३ जनामा कोरोना पुष्टि भएको छ । डीलाशैनी गाउँपालिकाका २ जना र दशरथचन्द नगरपालिकाका १ जना गरि मंगलबार थप ३ जनामा कोरोना पुष्टि भएको हो । अहिले बैतडीमा कोरोनाका सक्रिय संक्रमित ८८ जना रहेका छन् । सक्रिय संक्रमित मध्ये दोगडाकेदार गाउँपालिकामा २३ जना , पाटन नगरपालिकामा १८ जना, दशरथचन्द नगरपालिकामा ९ जना, डिलाशैनी गाउँपालिकामा ११ जना र सुर्नया गाउँपालिकामा ९ जना रहेका छन् ।
यस्तै मेलौली नगरपालिकामा ६ जना, शिवनाथ गाउँपालिकामा ५ जना, सिगास गाउँपालिका, पुर्चौंडी नगरपालिका र पञ्चेश्वर गाउँपालिकामा एक÷एक जना सक्रिय संक्रमित रहेका छन् । बैतडीमा अन्य जिल्लाका ४ जना सक्रिय संक्रमित रहेका छन् ।
