बैतडी -असार १८ ।बैतडीको नयाँ प्रहरी नायब उपरीक्षकको रुपमा रमेशबहादुर पाल हाजिर भएका छन् । डीएसपी नारायण प्रसाद अधिकारीको सरुवा भएपछि पाल प्रहरी प्रमुखको रुपमा बैतडी हाजिर भएका हुन् ।
नयाँ प्रहरी नायब उपरीक्षक पाल बिहीबार साँझ बैतडी पुगेका हुन् । केहीदिन पहिले निवर्तमान डीएसपी अधिकारीको नेपाल प्रहरी प्रधान कार्यालय राजमार्ग सुरक्षा तथा ट्राफिक निर्देशनालय नक्साल काठमाण्डौमा सरुवा भएको थियो ।
उहाँ सरुवा भएर गइसकेपछि केन्द्रिय प्रहरी बिशेष कार्यादल नक्साल काठमाण्डौबाट नयाँ प्रहरी प्रमुखको रुपमा पाल बैतडी आएका हुन् ।
डीएसपीको रुपमा बैतडी आएका पालले रेडियो बैतडी संगै कुरा गर्दै कोभिड संक्रमण नियन्त्रण्का लागि जनचेतना जगाउने, अपराध नियन्त्रण र शान्ती सुव्यवस्था कायम गर्न दत्तचित्त भएर लागि पर्ने बताउनुभयो । बैतडी प्रहरी प्रमुखकाे अभिभारा सम्हालेका दार्चुला घर भएका पाल यसअघि केन्द्रिय प्रहरी बिशेष कार्यदल नक्सालमा कार्यरत थिए ।
