असार १५ । बैतडीमा ट्याक्टर दुर्घटना हुँदा दुई जना घाइते भएका छन्। सडक मर्मतको काम गरिरहेको ट्याक्टर पाटन नगरपालिका ४ ठाँड नजिकै सडकको नालीमा पल्टिंदा दुई जना घाइते भएका हुन् ।
ठाँडबाट पाटन बजार तर्फ गइरहेकाे सुपप्र ०१००२ त ५३३५ नम्बरको ट्याक्टर अचानक सडक नालीमा पल्टिंदा बैतडीको पाटन नगरपालिका ४ की २७ बर्षीया सीता महरा र कैलालीको चुरे गाउँपालिका ५ खानीडाँडाका ३५ बर्षीय गगन राना घाइते भएको बैतडी प्रहरीका प्रवक्ता प्रहरी निरीक्षक दर्शन खड्काले बताए।
ट्याक्टर दुर्घटना हुँदा घाइते भएका दुवै जनाकाे अवस्था सामान्य रहेकाे उहाँले बताउनुभयाे । घाइते दुवैलाई प्राथमिक केन्द्र पाटनमा सामान्य उपचार पछि थप उपचारका लागि धनगढी पठाइएकाे प्रहरीले जनाएकाे छ । ट्याक्टर चालकलाइ प्रहरीले नियन्त्रणमा लिएको छ।
