बैतडी असार -१३ । बैतडीका थप ७ जनामा कोरोना पुष्टि भएको छ । पछिल्लो २४ घण्टामा ३ सय ६४ जनाको कोरोना परीक्षण गर्दा थप ७ जनामा कोरोना पुष्टि भएको स्वास्थ्य कार्यालय बैतडीले जनाएको छ । आइतबार कोरोना पुष्टि हुनेमा जिल्लाको डीलाशैनी गाउँपालिकाका ५ जना, दशरथचन्द नगरपालिका र दोगडाकेदार गाउँपालिकाका १ ÷ १ जना रहेका छन् । यस्तै थप ८ जना निको भएका छन् । आइतबार दोगडाकेदार गाउँपालिकाका ३ जना, पञ्चेश्वर गाउँपालिकाका २ जना , पाटन नगरपालिकाका २ जना र शिवनाथ गाउँपालिकाका १ जना गरि ८ जना संक्रमण मुक्त भएका हुन् । अब बैतडीमा कोरोनाका सक्रिय संक्रमित ५२ जना रहेका छन् । ५१ जना बैतडीका र १ जना अन्य जिल्लाका गरि अहिले बैतडीमा ५२ जना कोरोनाका सक्रिय संक्रमित रहेका हुन् । अहिले शिवनाथ गउँपालिका,पुर्चौडी नगरपालिका र मेलौली नगरपालिकामा कोरोना सक्रिय संक्रमित शुन्य छन् ।
