बैतडी–जेठ १८/ मगंलवार बैतडीका १२ जनाले कोरोना जितेका छन् । स्वास्थ्य कार्यालय बैतडीका अनुसार कोरोनाका १२ जना संक्रमीत संक्रमणमुक्त भएर डिस्चार्ज भएका हुन् । यस्तै ५ जनामा संक्रमण पुष्टि भएको छ । एन्टीजेन बिधिबाट गरिएको परीक्षणमा सुर्नया गाउँपालिकाका ५ जनामा संक्रमण पुष्टि भएको हो । अब बैतडीमा कोरोनाका सक्रिय संक्रमितको संख्या ४ सय ९१ रहेको छ । सबैभन्दा बढी सक्रिय संक्रमित दशरथचन्द नगरपालिकामा १ सय ८२ जना रहेका छन् । यस्तै पाटन नगरपालिकामा ७२ जना, डिलाशैनी गाउँपालिकामा ७१ जना, मेलौली नगरपालिकामा ३७ जना, दोगडाकेदार गाउँपालिकामा ३० जना र सुर्नया गाउँपालिकामा २८ जना सक्रिय संक्रमित छन् । यसै गरी शिवनाथ गाउँपालिकामा २४ जना, सिगास गाउँपालिकामा २३ जना, पञ्चेश्वर गाउँपालिकामा १३ जना र पुर्चौडी नगरपालिकामा ६ जना सक्रिय संक्रमितरहेका स्वास्थ्य कार्यालयले जानकारी दिएको छ ।
