बैतडी- जेठ १३/बैतडीमा कोरोनाबाट निको हुनेको सङख्या बढ्दै गएको छ। बिहीबार मात्रै ६६ जनाले कोरोना जितेका छन् । विभिन्न स्थानीयतहका ६६ जनाले बिहीबार कोरोना जितेको स्वास्थ्य कार्यालय बैतडीले जनाएको छ । बुधबार पनि जिल्लामा ६८ जना कोरोनाका बिरामी निको भएका थिए भने मंगलबार १ सय ७९ जना संक्रमण मुक्त भएका थिए । यस्तै थप १० जनामा कोरोना पुष्टि भएको छ । बिहीबार गरिएको परीक्षणमा थप १० जनामा कोरोना पुष्टि भएको हो । संक्रमण पुष्टि हुनेमा दशरथचन्द नगरपालिकाका ४, पाटन नगरपालिकाका ५ र सुर्नया गाउँपालिकाका १ जना रहेका छन् । स्वास्थ्य कार्यालय बैतडीका अनुसार अब जिल्लामा ६ सय ४४ जना कोरोनाका सक्रिय संक्रमित रहेका छन् । जसमध्ये दशरथचन्द नगरपालिकामा २ सय २७ , पाटनमा १सय ३१, सिगास गाउँपालिकामा ९९ , डिलाशैनीमा ३९ जना कोरोना सक्रिय संक्रमित रहेका छन् । यस्तै पञ्चेश्वर गाउँपालिकामा २६, मैलौली नगरपालिका, दोगडाकेदार गाउँपालिका र सुर्नया गाउँपालिकामा २५÷२५ जना ,शिवनाथ गाउँपालिकामा २३ र पुर्चौडी नगरपालिकामा १९ जना कोरोनाका सक्रिय संक्रमित रहेका छन् ।
