बैतडी वैशाख २१
बैतडीमा जिप दुर्घटना भएको छ । पोष्टमार्टमका लागि शब लिएर जिल्ला अस्पताल बैतडी आउदै गरेको जिप जिल्लाको पञ्चेश्वर गाउँपालिका वडा नं ६ को गणमेश्वर मोडमा दुर्घटनामा परेको हो । से १ ज १८३ नं को जिप मंगलबार दिउसो दुर्घटनामा परेको जिल्ला प्रहरी कार्यालय बैतडीका प्रहरी प्रवक्ता दर्शन खडकाले जानकारी दिनुभयो । जिप दुर्घटना हुँदा ६ जना घाइते भएका छन् । जिपमा १० जना सवार रहेकोमा ४ जनाको उद्धार भइरहेको र बाँकि घाइते उपचारका लागि जिल्ला अस्पताल पठाइएको उहाँँले बताउनुुभयो । बिस्तृत जानकारी आउन बाँकी छ ।
