बैतडी–माघ १८/ बैतडीको दशरथचन्द नगरपालिका २ देहिमाडौँ स्थित निङ्गलाशैनी माविका शिक्षक कृष्ण प्रकाश बोहराको विदाई गरिएको छ । करिब ४ दशक भन्दा बढी समय देखि निङ्गलाशैनी माविको आधारभूत तहमा कार्यरत शिक्षक बोहराको आइतबार एक कार्यक्रमको आयोजना गरेर विदाइ गरिएको विद्यालयका प्रधानाध्यापक प्रेम सिहँ बोहराले जानकारी दिनुभएको छ । लामो समयदेखि अध्यापन गराउदै आउनुभएका बोहराको शैक्षिक अवकास समाप्त भएपछि एक कार्यक्रम गरेर विदाई गरिएको विद्यालय स्रोतले जनाएको छ ।
समाजिक विषयका शिक्षक बोहराले विद्यालयमा बालबालिकाको भविश्य निर्माणमा पु¥याएको योगदानको उच्च कदर गर्दैे प्रधानाध्यापक बोहराले उहाँलाइ विद्यालयलये सधै सम्झीरहने बताउनुभयो । पढाउदा विद्यार्थीहरुलाई बुझाउने बोहरा सरको विदाई भएपनि उहाँ संग विताएका क्षणहरु समझानामा सधै रहिरहने निङ्गलाशैनी मावि कक्षा १०मा अध्यनरत विद्यार्थी बिरेन्द्र बोहराको भनाई छ ।
दनपा २ देहिमाँडौ रजुन्ना घर भएका बोहरा शिक्षक २०३५ साल देखि निङ्गलाशैनी माविमा कार्यरत थिए । विद्यालय व्यवस्थापन समितिका अध्यक्ष रमेश सिहँ बोहराको सभाध्यक्षता तथा वडा नं २ का वडा अध्यक्ष रनबहादुर बोहराको प्रमुख आतिथ्यतामा आइतबार भएको विदाई कार्यक्रमा शिक्षक विद्यार्थीहरुको सहभागिता रहेको थियो ।
