बैतडी -माघ -६ गते / बैतडीमा कोरोनाका सक्रिय संक्रमित १ जना मात्रै रहेका छन् । स्वास्थ्य कार्यालय बैतडीले दिएको जानकारि अनुसार अहिले दशरथचन्द नगरपालिकामा १ जना मात्रै कोरोनाका सक्रिय संक्रमित रहेका हुन् । दनपा बाँहेकका अन्य सबै स्थानियतहरुमा रहेका कोरोनाका सक्रिय संक्रमित निकाे भएर डिस्चार्ज भइसकेका स्वास्थ्य कार्यालय बैतडीले जनाएकाे छ ।
मंगलबार दोगडाकेदार गाउँपालिका कोरोना संक्रमित पनि डिस्चार्ज भएका स्वास्थ्य कार्यालयका कम्प्युटर अपरेटर महेन्द्र सिहँ रावलले जानकारि दिनुभएको छ । यस्तै बैतडीमा ७ हजार ७ सय १८ जनाको कोरोना परीक्षण गरिएको छ । अहिले सम्म १ हजार ५ सय १२ महिला र ६ हजार २ सय ६ जना पुरुषको पीसीआर विधीबाट कोरोना परीक्षण भएको स्वास्थय कार्यालय बैतडीको तथ्याङकमा उल्लेख गरिएको छ ।
हाललाई जिल्लाका ९ स्थानीय तह कोरोना सक्रिय संक्रमित शून्य पालिका बनेका छन । दशरथचन्द नगरपालिका बाँहेकका सबै स्थानीय तहमा कोरोना सक्रिय संक्रमितहरु निको भएर डिस्चार्ज भएका हुन् । बैतडीमा ६ सय ३६ जनामा कोरोना पुष्टि भएकोमा ६ सय ३३ जनाले कोरोना जितेका छन् भने २ जनाको मृत्यु भईसकेको छ ।
