बैतडी–पौष २६ / बैतडीमा जगंली बदेलको आक्रमणबाट एक जना घाईते भएका छन । जिल्लाको दोगडाकेदार गाउँपालिका ७ चडेपानीका २५ बर्षीय देब राज भट्ट बदेलको आक्रमणबाट घाईते भएका हुन । आईतबार दिउसो २ बजेको समयमा घर नजिकैको जगंलमा दाउरा चिर्न गएका बेला जगंली बदेलले आक्रमण गरी भट्टलाई घाईते बनाएको जिल्ला प्रहरी कार्यालय बैतडीले जानकारी दिएको छ । बदेलले भट्टको पछाडीको भाग (हिप)मा आक्रमण गरेको उनका दाई भानदेब भट्टले बताउनुभयो । घाईते भट्टको स्थानिय मेडिकलमा उपचार सम्भव नभए पछि जिल्ला अस्पताल बैतडीको एम्बुलेन्स मार्फत डडेल्धुरा अस्पताल पठाईएको प्रहरीले जानएको छ ।
