बैतडी–मंसिर १०/ बैतडीको दशरथचन्द नगरपालिका भित्रका बिद्यालयहरु भोली बिहिबारबाट सञ्चालन हुने भएका छन । कोभिड १९ का कारण लामो समयदेखि बन्द रहेका बिद्यालयहरु स्वास्थ्य सुरक्षाका आबश्यक मापदण्डहरुको पालना गर्दै नियमित सञ्चालन गर्ने निर्णय गरिएको नगरपालिकाका शिक्षा संयोजक मोहन नाथले जानकारी दिनुभएको छ । शिक्षा, विज्ञान तथा प्रविधि मन्त्रालयले कोभिड(१९ को जोखिम नभएका र कम हुँदै जाने पालिकाका विद्यालयमा आलोपालो सिफ्ट वा अरु उपयुक्त विधि अपनाइ पठनपाठन सञ्चालनको बाटो खुलाए बमोजिम बिद्यालयहरु सञ्चालन गर्ने निर्णय भएको उहाँले बताउनुभएको छ । भोलीबाट बिद्यालय सञ्चालनमा ल्याई पठनपाठन गर्न र सो को जानकारी नगरपालिकामा दिन पनी नगरपालिकाले बिद्यालयहरुलाई आग्रह गरेको छ ।
