बैतडी–मंसिर ०९ / बैतडीमा जीप र्दुघटनामा परी ज्यान गुमाएका पाचै जनाको सनाखत भएको छ । मृत्यु हुनेहरुमा बैतडीको सुर्नया गाउंपालिका वडा नं. ४ का ७५ बर्षीय कलावती चन्द, पाटन नगरपालिका वडा नम्बर ५ का ७७ बर्षीय भगिरथ पाण्डेय र ७० बर्षीय पार्वती देवी चन्द रहेका छन । यस्तै दशरचन्द नगरपालिका वडा नम्बर २ देहीमाण्डौका ५८ बर्षीय कृष्ण लावड र दशरथचन्द नगरपालिका वडा नम्बर ५ की ७२ बर्षीय पार्बती चन्द रहेका छन । यस्तै र्दुघटना परी घाईते हुनेहरुमा दशरथचन्द नगरपालिका वडा नम्बर ९ का ४६ बर्षीय खगेन्द्र प्रसाद जोशी, दोगडाकेदार गाउँपालिका ६ का ५० बर्षीय कृष्णनन्द भट्ट, दशरथचन्द नगरपालिका वडा नम्बर २ का २२ बर्षीय प्रदिप लावड, दशरथचन्द नगरपालिका वडा नम्बर ५ का ३५ बर्षीय रबिन्द्र चन्द र चालक समेत रहेका दशरथचन्द नगरपालिका वडा नम्बर ४ का ४० बर्षीय गोपाल सिह कार्की रहेका छन । चालक कार्कीको अबस्था गम्भीर रहेकोले उपचारका लागी धनगढी पठाईएको जिल्ला प्रहरी कार्यालय बैतडीले जानकारी दिएको छ । अन्यको भने जिल्ला अस्पताल बैतडीमा उपचार भईरहेको छ । दशरथचन्द नगरपालिका १० मा बुड्डामा झुलाघाट बाट गोठलापानी तर्फ आउदै गरेको ना १ ज २१९६ नम्बरको जिप र्दुघटनामा परेको हो । जीप सडकबाट करिब २ सय ५० मिटर तल खसेको छ । र्दुघटनाको कारण भने खुल्न सकेको छैन ।
