बैतडी–मंसिर ०८/ बैतडीका थप ४ जना कोरोना संक्रमीत डिस्चार्ज भएका छन । सोमबार बिभिन्न स्थानिय तहका ४ जना कोरोना जितेर डिस्चार्ज भएको स्वास्थ्य कार्यालय बैतडीले जानकारी दिएको छ । आज निको भएर डिस्चार्ज हुनेहरुमा पाटन नगरपालिका ६ का २१ बर्षीय पुरुष, सुर्नया गाउँपालिका वडा नम्बर ४ का २८ बर्षीय पुरुष र सुर्नया गाउँपालिका वडा नम्बर ८ का २१ र १९ बर्षीय गरी २ जना पुरुष रहेका छन । अब जिल्लामा कोरोनाका सक्रिय संक्रमीत १९ जना मात्रै रहेका छन । सबैभन्दा बढी दशरथचन्द नगरपालिकामा ८ जना, पाटन नगरपालिकामा ५ जना र पुर्चौडी नगरपालिकामा ३ जना कोरोनाका सक्रिय संक्रमीत रहेका छन । यस्तै सुर्नया, पञ्चेश्वर र दोगडाकेदार गाउँपालिकामा १÷१ जना सक्रिय संक्रमीत रहेका छन ।
