बैतडी–मंसिर ०७/ बैतडीका एक जना मनरोगीको उद्धार गरिएको छ । विगत ११ वर्षदेखि मानसिक सन्तुलन गुमाएका जिल्लाको पञ्चेश्वर गाउँपालिका–४ मटेलाका २८ बर्षीय मनरोगीको रमेश चन्दको उद्धार गरिएको हो । उनलाई उद्धार गरेर धनगढीको मानव सेवा आश्रममा लगीएको पञ्चेश्वर गाउँपालिकाले जानकारी दिएको छ । चन्दलाई गाउँपालिका उपाध्यक्ष बिना भट्ट, वडा सदस्य सेतु चन्दको उपस्थितिमा आश्रमका अभिभावक सिद्धराज पनेरु र संयोजक आदर्श ढकालले उद्धार गरी धनगढी लगेका हुन । गाई गोठभित्र साँङलोले बाँधेर राखिएको अवस्थाबाट उनको उद्धार गरिएको बताईएको छ । उनलाई धनगढी पुर्याउन गाडीको व्यवस्थापन गाउँपालिकाले गरेको हो । आश्रमले चन्दलाई छिट्टै तन्दरुस्त बनाएर परिवारसँग पुर्नरमिलन गराउने विश्वास लिएको छ ।
