बैतडी–कार्तिक २४ / बैतडीमा सशस्त्र प्रहरीले अबैध बिँडि बरामद गरेको छ । झुलाघाट नाका भएर नेपाल भित्र्याएको बिँडी बरामद गरिएको हो । भारतीय बजारबाट महाकाली नदीमा ट्युब मार्फत नेपाल ल्याएको बिँडी सशस्त्र प्रहरीको टोलिले दशरथचन्द नगरपालिका ६ सुकुट्टी भन्ने ठाउँबा बरामद गरेको हो । सीमा नाका झुलाघाटमा रहेको सशस्त्र प्रहरीको बीओपीबाट खटिएको गस्ती टोलीले शनिबार राती १ लाख ३२ हजार बराबरको ६ पेटी बिँडी बरामद गरेको सशस्त्र प्रहरी बल नेपाल नम्बर ५१ गुल्म बैतडीका सशस्त्र प्रहरी नायव उपरीक्षक गणेश शाहले जानकारी दिनुभयो । बिँडी ल्याउने मान्छे भने सशस्त्रको टोली देख्ने बित्तिकै भागेको उहाँले बताउनुभयो । बरामद गरिएको बिँडी महाकाली भन्सार कार्यालय झुलाघाटलाई बुझाइएको बताईएको छ ।
