बैतडी–कार्तिक १८/ बैतडीको एक घरमा आगलागी भएको छ । जिल्लाको दोगडाकेदार गाउँपालिका १ रिम बण्डा कटौजखोलामा स्थानिय शेर सिह साउँदको घरमा आगलागी भएको हो । मगंलबार दिउसो ४ बजेतिर आगलागी हुदाँ लाखौँको क्षति भएको स्थानिय नैन सिह साउँदले जानकारी दिनुभएको छ । आगलागीबाट घर भित्रका लत्ता कपडा र अन्नपात लगायतका सम्र्पुक सामानहरु जलेर नष्ट भएको उहाँले बताउनुभयो । उहँका अनुसार घर भित्र रहेको ५५ हजार रुपैया समेत जलेर नष्ट भएको छ । दिउँसोको समय घरमा कोही नभएका बेला आगलागी भएकोले मानबिय क्षति भने हुन नपाएको स्थानियहरुले जानकारी दिएका छन । आगलागीको कारण भने खुल्न सकेको छैन । यता जिल्ला प्रहरी कार्यालय बैतडीले आगलागीको घटनाबारे भर्खरै जानकारी प्राप्त भएको जनाएको छ । घटनाको थप अनुसन्धान गर्न घटना स्थलमा प्रहरी चौकी गोकुलेश्वरबाट प्रहरी टोली गईरहेको बताईएको छ ।
