कात्तिक- १५/ बैतडीको पुर्चौडी नगरपालिका ७ नं वडा कार्यालयको नव निर्मित भवनको उद्घाट गरिएको छ । नगरपालिकाको लगानिमा निर्माण गरिएको वडा कार्यालय भवनको शनिबार नगरप्रमुख रणबहादुर कुवर द्धारा उद्घाटन गरिएको वडा नं ७ वडा अध्यक्ष रामबहादुर ऐरले जानकारि दिनुभएको छ । नगरपालिकाको करिब ३४ लाख लगानिमा वडाको कोटिलामा निर्माण गरिएको नव निर्मित भवनको आज एक कार्याक्रमका विच उद्घाटन गरिएको उहाँले बताउनुभएको छ । पुरानो जिर्ण भवनबाट सेवा प्रवाह गर्दा चुहिने समस्याले असहज भएकोमा अब नव निर्मित भवनबाट सेवा दिन सहज हुने वडा अध्यक्ष एरले बताउनुभयो । आइतबारबाट नयाँ भवनबाट सेवा सञ्चालन हुने बताइएको छ । यस्तै नगरपालिकाले अन्य ४ ओटा वडा कार्यालयको भवन पनि निर्माण सम्पन्नको अन्तीम चरणमा रहेको जनाएको छ ।वडा नं २, वडा नं ३, वडा नं ४ र वडा नं ९ मा वडा कार्यालय भवन निर्माण कार्य जारी रहेको गरपालिकाका उपप्रमुख जानकी ऐर बमले बताउनुभयो ।
