बैतडी–असोज ३०/ जिल्ला प्रहरी कार्यालय बैतडीका प्रहरी प्रमुख, प्रहरी नायब उपरीक्षक नारायण प्रसाद अधिकारी पुरस्कृत हुनुभएको छ । सुदूरपश्चिम प्रदेश प्रहरी कार्यालयले ६५ औ प्रहरी दिवसको अवसरमा अधिकारीलाई पुरस्कृत गरेको हो । नेपाल प्रहरीको निति नियम भित्र रहेर अधिकारीले उत्कृष्ट कार्य सम्पादन गरेको भन्दै उनलाई पुरस्कृत गरिएको हो । स्याङ्जा घर भएका प्रहरी अधिकारी बैतडी आएको ५ महिना भएको छ । ५ महिनाको अबधिमा शान्ति सुरक्षाका स्थापना र अपराधिक गतिबिधिहरु नियन्त्रण गर्न अहम भुमिका खेलेको भन्दै बैतडीका प्रहरी प्रमुख अधिकारी सहित अन्य २६ जना प्रहरी अधिकारीहरुलाई पुरस्कृत गरिएको प्रदेश प्रहरी कार्यालयले जनाएको छ ।
