जनक साउद–असोज २९/ बैतडीको दोगडाकेदार गाउँपालिकाले किसानहरुलाई गहुँ र आलुको बीउ वितरण गरेको छ । माग अनुसार गाउँपालिकाभरीका किसानहरुलाई ५० प्रतिशत अनुदानमा बिउ बितरण गरिएको गाउँपालिकाका कृषि प्राविधिक कविराज भट्टले बताउँनुभएको छ । गाउँपालिकाका ८ ओटै वडाका किसानहरुलाई आलु र गहुँको बीउ वितरण गरिएको हो । उन्नत जातको बीउ उपलब्ध गराएर उत्पादन वृद्धि गर्ने मुख्य उद्देश्यले ४६ क्वीन्टल गहुँको बिउ र ११३ क्वीन्टल आलुको बीउ ५० प्रतिशत अनुदानमा बितरण गरिएको कृषि प्राविधिक भट्टले जानकारी दिनुभयो । गाउँपालिकाले सुचना जारी गर्दै कृषकहरुलाई माग अनुसार बिउका लागी निबेदन दिन आग्रह गरेको थियो ।
