बैतडी–असोज २८ / नजिकिदै गरेको दशै तिहार जस्ता चाडपर्बहरुमा भिडभाड नगर्न जिल्ला प्रशासन कार्यालय बैतडीले आग्रह गरेको छ । आज एक सुचना जारी गर्दै कोरोना संक्रमण दर तिब्र रुपमा फैलिरहेकोले बिशेष सर्तकता अपनाउन नागरिकहरुलाई प्रशासनले आग्रह गरेको हो । सरकारद्धारा जारी आदेशको बर्खिलाप हुने गरी न्युनतम स्वास्थ्य मापदण्डहरु पालना नगर्ने प्रबृति बढेको भन्दै नागरिकहरुलाई बिशेष सर्तकता अपनाउन आग्रह गरिएको प्रमुख जिल्ला अधिकारी मोहन राज जोशीले जानकारी दिनुभएको छ ।
दशै तिहकारको समयमा बिभिन्न शक्तिपिठहरुमा हुने मेला, जात्रा तथा पर्बहरुमा भिडभाड नगर्न आग्रह गरिएको छ ।बिद्यालय, कलेज तथा शैक्षिक संस्थाहरुमा पठनपाठन अर्को ब्यबस्था नभएसम्मका लागी नगर्न नगराउन आग्रह गरेको छ । राजनितिक दल तथा भातृ संगठनहरुलाई भिडभाड हुने गरी आमसभा गोष्टि नगर्न र नागरिकहरुलाई सार्बजनिक स्थलहरुमा भिडभाड तथा जमघट नगर्न प्रशासनले आग्रह गरेको छ ।
