हजारी महरा बैतडी चैत १९ : बैतडीकाे पुर्चौडीमा ए.आई. एक्स-रे प्रविधिबाट क्षयरोग परीक्षण शिविर सञ्चालन भएकाे छ । यहि चैत १९ गते देखि पालिकाका विभिन्न स्थानमा ए.आई. एक्स-रे प्रविधिबाट क्षयरोग परीक्षण शिविर सञ्चालन भएकाे नगरपालिकाले जनाएकाे छ ।
शिविरको प्रमुख उद्देश्य नगरवासीहरूको स्वास्थ्य पहिचान गर्दै क्षयरोग जस्ता रोगहरूको प्रारम्भिक परीक्षणलाई प्रविधि-सहायतामा बनाउनु हो। ए.आई. एक्स-रे प्रविधिको प्रयोगले परीक्षणलाई थप सटीक र छिटो बनाउन मद्दत पुर्याउनेछ। यो शिविर चार दिनसम्म पुर्चौडी नगरपालिकाका विभिन्न स्थानहरूमा सञ्चालन हुनेछ। १९ गते: भूमिराज मावि, गहताड,२० गते: विनेश्वर मावि, नाकाली,२१ गते: तल्लादेही स्वास्थ्य चौकी,२२ गते: हाट स्वास्थ्य चौकी र २३ गते: भूमिराज मावि, कफलढुंगामा शिविर सञ्चालन हुने नगर प्रमुख सचिवालय बमले बताए ।
