करुणाकर भट्ट बैतडी– दशरथचन्द नगरपालीका वडा न. ४ शाहिलेक विरेन्द्र मावीको खेल मैदानमा यहि कात्तिक २३ गते देखी रामलीला आयोजना गरिने भएको छ । शाहिलेक रामलिला समितीको पहलमा आयोजना गरीन लागेको समितीका संयोजक जनक राज भट्टले जानकारी दिएका छने्। हरेक वर्ष हुने रामलीला एक बर्ष शाहिलेक र एक बर्ष गोठलापनीमा संञ्चालन हुदै आएको बताइएको छ ।
रामलीला कार्यक्रममा रामायणका महत्वपूर्ण क्षणहरूलाई देखाइने छन् । कार्यक्रमका लागि विभिन्न सांस्कृतिक गतिविधिहरू, र धार्मिक अनुष्ठानहरू समावेश गरिनेछ । भगवान् रामचन्द्रको जीवन कथामा आधारित रामलीला सञ्चालनका लागि पात्रहरुको ताालीम संञ्चालन भैइरहेको कोषाध्यक्ष शेर सिह भण्डारीले बताए स्थानीय कलाकारहरू र समाजसेवीहरूको पनि यस कार्यक्रममा सक्रिय रूपमा संलग्नता रहने छ ।
सांस्कृतिक पर्वको महत्त्व र यसबाट हुने लाभलाई मनन गर्दै, स्थानिय बासिन्दाले यस कार्यक्रममा उपस्थित हुन र सहयोग गर्न संयोजक भट्टले आग्रह समेत गरेको छ ।
