दिपक राज अवस्थी बैतडी : बैतडीको दशरथचन्द नगरपालिका-२ स्थित प्रशिद्ध निङ्गलाशैनी भगवती मन्दिरको मेला व्यवस्थापन समिति गठन गरिएको छ । मंगलबार मन्दिर प्रांगणमा बसेको सयुक्त भेलाबाट महेश भण्डारीको संयोजकत्वमा १३ सदस्यीय मेला व्यवस्थापन समिति गठन गरिएको हो ।
उपाध्यक्षमा गम्भिर सिंह बोहरा, सचिवमा भान बहादुर बोहरा, कोषाध्यक्षमा मनोज बोहरा चयन भएका छन् ।
यसैगरी सदस्यमा पुनम लावड, रमेश बहादुर बोहरा, हर्क बहादुर बोहरा, गोपाल बिजले, गगन सिंह रावत, जैराम लावड, प्रेम राम लावड, भुपेन्द्र भण्डारी र मान बहादुर बोहरा रहेका छन् ।
चालु आर्थिक वर्षमा लाग्ने सबै खालका मेलाहरुको वयवस्थपानको जिम्मेवारी यही समितिले गर्ने निर्णय समेत गरिएको छ । विगतको समितिलाई विगठन गरिएको छ ।
निङ्गलाशैनी मन्दिरमा यही भाद्र ३१ गतेदेखि असोज २ गतेसम्म अनन्त चतुर्दसी मेला लाग्दैछ ।
