बैतडी जेठ १६ : बैतडीको दशरथचन्द नगरपालिका १० को बाराकोट भन्ने स्थानमा जीप दुर्घटनामा परेको छ ।गोठालाापानीबाट झुलाघाट तर्फ जाँदै गरेको जिप दुर्घटनामा परेको हो ।
दुर्घटनामा परेर एकजनाको मृत्यु भएको र आठजना घाइते भएका छन्। मृत्यु हुनेमा महिला रहेकी र ती महिलाको परिचय खुल्न बाँकी रहेको छ। दुर्घटनास्थलमा जीपको मुनि च्यापिएकी अवस्थामा प्रहरीले उद्धार गरि जिल्ला अस्पताल ल्याउदा ती महिलाको मृत्युु भएको हो।
यस्तै अस्पतालमा अन्य आठजना घाइतेको पनि उपचार भइरहेको जिल्ला प्रहरी कार्यालय बैतडीका प्रमुख दीपक गिरीले बताउनुभयो । दुर्घटनाग्रस्त जिप सडकबाट ३० मिटर तल खसेको र दुर्घटनाको कारण खुल्न सकेको छैन्।
